«Երկիր», 1992թ., 29 օգոստոսի, 166 (255)
60-օրյա զինադադարի մասին ԵԱՀԽ-ի Մինսկի խմբի ղեկավար Մարիո Ռաֆայելիի առաջարկության կապակցությամբ, ԼՂՀ ԳԽ մամլո ծառայության օգոստոսի 28-ին հայտարարել է, որ ԼՂ Հանրապետության ղեկավարությունը պատրաստ է հրահանգել ինքնապաշտպանության ուժերին ձեռնպահ մնալ հարձակողական գործողություններից՝ Մարիո Ռաֆայելիի՝ բոլոր կողմերի հետ բանակցությունների ավարտից հետո: Ղարաբաղի Հանրապետության ղեկավարությունը պատրաստ է նաև մասնակցել Մինսկի խմբի կողմից մշակված ռազմական գործողություններին դադարեցման խախտումների մասին իրազեկման համակարգին: ԼՂՀ ԳԽ–ի մամլո ծառայության հայտարարության համաձայն ԼՂՀ-ն արտահայտվում է ամենամոտ ժամանակներս հարձակողական գործողությունների դադարեցման օգտին:
ԼՂՀ ԳԽ-ի նախագահի պաշտոնակատար Գեորգի Պետրոսյանը հրաժարվել է որևէ մեկնաբանություն տալ Ալմա Աթայում Հայաստանի և Ադրբեջանի միջև տեղի ունեցած բանակցությունների արդյունքների մասին, դա պատճառաբանելով «ստույգ լրատվության բացակայությամբ»:
