«Երկիր», 19 հունիսի, 1992թ., թիվ 115 (204)
Հունիսի 18-ին Հայաստանի Հանրապետության պատվիրակությունը պետական նախարար, առաջին փոխվարչապետ Վիգեն Չիթեչյանի գլխավորությամբ մեկնել է Վլադիկավկազ: Սա հայկական պատվիրակության հերթական այցելությունն էր Հյուսիսային Օսիա, որի ընթացքում բանակցություններ պետք է ընթանան հանրապետության ղեկավարության հետ` գազի մատակարարման հարցերը կարգավորելու համար: Հյուսիսային Օսիայի խորհրդարանին պետք է հանձնվի դիմում, որով խնդրվում է վերսկսել Վրաստանի տարածքով գազի մատակարարումը Հայաստանին: Նախատեսվում է նաև հայկական պատվիրակության անդամների ելույթը տեղական հեռուստատեսությամբ:
