«Երկիր», 1993թ., 7 ապրիլի, 62 (403)
ՀՀ պաշտպանության նախարար Վ. Մանուկյանը եւ ՀՀ զինված ուժերի գլխավոր շտաբի պետ Ն. Տեր-Գրիգորյանցը Մայրության տոնի առթիվ դիմում են հղել զինվորների մայրերին, որի մեջ մասնավորապես ասվում է.
«Սիրելի մայրեր, ձեր զավակները՝ մեր անկախ Հայաստանի պաշտպանները, այսօրվա դժվարին պայմաններում պատվով են կատարում իրենց սրբազան պարտքը հայրենիքի նկատմամբ, արիության եւ հերոսության օրինակներ ցույց տալիս ռազմի դաշտում։ Ցավոք, թշնամու դեմ մարտնչելիս ունեցանք նաեւ զոհեր։ Սակայն բոլոր զոհված հերոսների անունները հավերժ կմնան մեր նորաստեղծ զինված ուժերի տարեգրության մեջ, կհիշվեն դարեդար»։
