Մշակ, 1 նոյեմբերի, 1917թ., թիվ 232
Հայրենակիցնե՛ր,
Սեպտեմբերի 27-ին Թիֆլիսում գումարված ազգային խորհրդաժողովի որոշման համաձայն, կազմված է 1) Ազգային ժողով, որի քննության և վճռահատության ենթարկվում են հայ կյանքի առաջադրած խնդիրները, և 2) Ազգային Խորհուրդ, որ ստանձնում է ազգային բոլոր գործերի գերագույն ղեկավարությունը, որպես գործադիր մարմին:
Թե մեկը և թե մյուսը կազմակերպված են ազգային խորհրդաժողովի գծած սահմաններում և բոլոր գործոն կուսակցությունների ու չեզոք տարրերի մասնկացությամբ՝ համագործակցության սկզբունքով: Ազգային խորհուրդը պատասխանատու և հաշվետու է Ազգային ժողովի առաջ, որ պարբերաբար պիտի գումարվի Թիֆլիսում իր հրահանգիչ և վերահաս ֆունկցիան իրագործելու համար:
