Երկիր, 16 հունվարի, 1993թ., թիվ 8 (350)
ԼՂ Հանրապետության հակաօդային ուժերը ոչնչացրել են թշնամու ևս 3 ինքնաթիռ: Ինչպես հայտնում են ինքնապաշտպանության ուժերի մամլո ծառայությունից, հակառակորդի ռազմական ինքնաթիռները հունվարի 15-ի կեսօրից հետո, խախտելով հանրապետության օդային տարածքը, ուղղվել են դեպի Մարտակերտի ռազմաճակատ, որտեղ և գտել են իրենց տխուր վախճանը: Օդաչուների ճակատագիրն առայժմ անհայտ է, որոնումները շարունակվում են:
