March 28, 2024

ԼՂՀ պաշտպանության ուժերը դիրքերը չեն զիջում

  • by Archives.am
  • 31 Years ago
  • Comments Off

«Երկիր», 7 հոկտեմբերի, 1992թ., թիվ 193 (282)

Չնայած, երկու կարևոր բարձունքների գրավումով Լաչինի միջանցքում հաստատվել էր որոշակի ռազմական հավասարակշռություն, այնուհանդերձ, ադրբեջանական բանակը շարունակում է ճնշում գործադրել այստեղ դիրքավորված ԼՂՀ պաշտպանության ուժերի վրա: Հոկտեմբերի լույս 6-ի գիշերը և երեկ Կուբաթլիի և Քելբաջարի շրջանների տարածքից հրետակոծվել են մարդասիրական միջանցքը հսկող հայկական դիրքերը: Որոշ տեղերում ընթանում էին դիրքային մարտեր: Այս ռազմաճակատում տեղի ունեցած իրադարձությունների մասին այլ մանրամասներ չեն հայտնվում: Հոկտեմբերի 6-ի երեկոյան մարդասիրական միջանցքը շարունակում էր մնալ հայերի հսկողության տակ: Գորիս-Լաչին ճանապարհով Ստեփանակերտ են հասցվում տնտեսական բեռներ:

ԼՂՀ մյուս ռազմաճակատներում առանձին փոփոխություններ տեղի չեն ունեցել:

Մարտակերտի և Ասկերանի սահմանամերձ գոտիներում ընթանում են դիրքային մարտեր: Աղդամի շրջանի տարածքից հրետակոծվել են Ասկերանի պաշտպանական դիրքերը:

Հոկտեմբերի 6-ի երեկոյան, Ադրբեջանի Հանրապետության տարածքից հրթիռա-հրետակոծվել են Մարտունու շրջանի Կուրապատիկինոյի , Ամիրանլարի և Մուղանլուի ԼՂՀ պաշտպանական ուժերի դիրքերը: Բարեբախտաբար ազատամարտիկներ չեն տուժել:

Հադրութի շրջանում համեմատաբար հանգիստ է:

  • facebook
  • googleplus
  • twitter
  • linkedin
  • linkedin
Previous «
Next »

Categories

Archives