«Երկիր», 22 հոկտեմբերի, 1992թ., թիվ 191 (280)
Հոկտեմբերի 2-ի առավոտյան իրավիճակը ծայրահեղորեն լարված էր մնում Գորիս-Լաչին ճանապարհահատվածի երկայնքով:
Ղոջազի շրջակայքում շարունակվում են դիրքային մարտերը հայկական ինքնապաշտպանական ուժերի և ադրբեջանական բանակի ստորաբաժանումների միջև: Մինչև երեկո, ադրբեջանական հենակետերից ուժգին հրետակոծության են ենթարկվել Լաչինի շրջանի հյուսիս-արևելյան և հարավ-արևելյան տարածքների հայկական ինքնապաշտպանության ուժերի դիրքերը: Զաբուղի ուղեկալից հայտնել են, որ ժամը 19-ի դրությամբ, իրավիճակը մարդասիրական միջանցքի գոտում շարունակվում է մնալ խիստ լարված: Չնայած հայկական ուժերի դիրքերի վրա անընդհատ հրետակոծություններին, հայկական ինքնապաշտպանության ուժերը շարունակում են պահել իրենց դիրքը:
