«Երկիր», 3 սեպտեմբերի, 1993թ., թիվ 167(508), ուրբաթ
Թուրքիայի նախարարների խորհրդի նիստը երեկ քննարկել է ղարաբաղա-ադրբեջանական հակամարտության հարցը: Նիստում հայտարարվել է, որ հայերի հարձակումների ուժեղացման և Իրանի զինվորական միջամտության պատճառով ամբողջ տարաշածրջանը վտանգի է ենթարկվել:
Իշխանության ներկայացուցիչ Յլդըրմ Աքթունայը հայտնել է, որ Թուրքիան ուշադրությամբ հետևում է իրադարձությունների զարգացմանը և անհրաժեշտ զգուշացումներ է արել համապատասխան երկրներին: Աքթունայը իր երկրի իշխանության մտավախությունն է հայտնել Իրանի վերջին կեցվածքի առիթով, որը Զանգելանի շրջանի հարևանությամբ մեծ թվով զինվորներ է կուտակել՝ ապահովելու իր երկրի սահմանները և օգնելու ազերիներին: Աքթունայն ասել է. «Տարածաշրջանում խաղաղության ապահովումն այստեղի երկրների պարտականությունն է: Դրա վտանգումը կվնասի բոլորին և ուրեմն անհրաժեշտ է համաձայնության գալ:
Իրանի վերջին գործողությունների մասին սպառիչ լրատվություն չունենք, սակայն ստույգ գիտենք, որ այս երկրի իշխանությունն իր տարածքի սահմանամերձ գոտում 20 կիլոմետրանոց պաշտպանական շերտ է ստեղծել՝ թույլ չտալու ազերիներին անցնել Իրանի սահմանը: Եթե այստեղ հարևան երկրների միջև պատերազմ ծագի, Թուրքիան չի կարող հեռվից դիտողի դերում լինել: Ըստ անհրաժեշտության, մենք կճշտենք մեր դիրքորոշումը»:
Դեմիրելն իր հերթին Չանքայա պալատում ժողով է գումարել՝ Ադրբեջանի հարցը քննելու համար: Ժողովին մասնակցել են վարչապետ Թանսու Չիլլերը, արտգործնախարար Հիքմեթ Չեթինը, ներքին գործոց նախարար Սավճիօղլուն և զինվորական հրամանատարներ: Հանդիպման մանրամասները տակավին հայտնի չեն:
«Հայլուր»
