Դեսպանությունների ներկայացուցիչները՝ հրետակոծության ականատես

«Երկիր», 1993թ., 11 մարտի, 44 (385)

Մարտի 9-ին Տավուշ էին ժամանել Ռուսաստանում ԱՄՆ-ի զինվորական կցորդի օգնական, փոխգնդապետ Պավել Նելսոնը եւ Հայաստանի Հանրապետությու­նում Ամերիկայի դեսպանության զինվորական կցորդի ներկայացու­ցիչ Դոն Դելոնը։ Նրանց ուղեկ­ցում էր Հայաստանի գլխավոր սահմանապահ կոմիսար Գրիգոր Գրիգորյանը։ Շրջխորհրդում նրանց սահմանամերձ իրադրության մասին մանրամասն տեղեկություններ հայտնեցին Տավուշի պա­րետ, գնդապետ Վազգեն Ղավալյանը, տեղական իշխանության ներկայացուցիչները։ Այն հարցին, թե ինչ նպատակ է հետապնդում իրենց այցը, պրն Դելոնը պատաս­խանեց, թե Հայաստանից եւ Ադրբեջանից իրարամերժ ու հակասա­կան տեղեկություններ են ստացվում, ուստի եկել են տեղում ծանոթանալու իրավիճակին։ Դեսպանությունների ներկա­յացուցիչները եղան սահմանամերձ Այգեպար գյուղում եւ դարձան թշնամու հերթական հրետակոծութ­յան ու պատճառած ավերածութ­յունների ականատեսը։