March 28, 2024

Ադրբեջանի բանակը լայնածավալ հարձակման է անցել

  • by Archives.am
  • 32 Years ago
  • Comments Off

«Երկիր», 8 օգոստոսի, 1992, 151 (240)

Հինգշաբթի, օգոստոսի 6-ին, ադրբեջանական բանակը նոր հարձակումներ է ձեռնարկել Մարտակերտի շրջանի պաշտպանական ուժերի դիրքերի վրա։ Ըստ տեղեկությունների, չնայած հայերի պաշտպանական գործողություններին, ադրբեջանական զինյալ ուժերին, մեծաքանակ զրահատեխնիկայով եւ օդուժի օգնությամբ, հաջողվել է առաջ անցնել: Թշնամու հսկողության տակ են անցել Հակոբ Կամարի գյուղը եւ Մարտակերտ քաղաքի շրջակա բարձունքները:

Ուշ գիշերին հայտնի դարձավ, որ թշնամին, ունենալով գերակշիռ թվով ռազմական տեխնիկա եւ կենդանի ուժ, շարունակելով հարձակումը, հասել է մինչեւ Մարտակերտի շրջանի Մաղավուզ գյուղը: Տվյալ պահի դրությամբ, գյուղը գտնվում էր չեզոք գոտում: Երկու կողմերից էլ կան զոհեր եւ վիրավորներ:

ԼՂՀ ինքնապաշտպանության ուժերին հաջողվել է ոչնչացնել ադրբեջանական բանակի երեք հրասայլ եւ երկու ռազմական ուղղաթիռ: Հայկական կողմից վնասված տեխնիկայի մասին տեղեկություններ չկան:

Մյուս կողմից, ադրբեջանական բանակը ուժգին ռմբակոծության է ենթարկել ԼՂՀ սահմանամերձ գոտու բնակավայրերը եւ պաշտպանական դիրքերը։

Օգոստոսի 6-ին, ամբողջ օրվա ընթացքում, Ֆիզուլու շրջանի տարածքից ռմբակոծվում եւ հրթիռակոծվում էին Մարտունու շրջանի Մաճկալաշեն գյուղը ել Կարմիր Շուկա ավանը,

Նոր Շենի վրա արձակվել է 50 արկ եւ հրթիռ, իսկ Կարմիր Շուկա ավանի վրա 25 արկ, Կարմիր Շուկայում ավերվել է երեք, իսկ Նոր Շենում 7 տուն:

Ռմբակոծության ենթարկված մյուս վայրերից տուժածների մասին տեղեկություններ չի հաղորգվում:

Ուրբաթ, օգոստոսի 7-ին, Մարտունու շրջանի ադրբեջանաբնակ Ամիրանլար եւ Մուղանլու գյուղերի շրջակայքից հրետակոծության է ենթարկվել Մարտունի քաղաքը: Զոհվել է մեկ եւ վիրավորվել երկու բնակիչ: Կան ավերածություններ:

Կեսօրից հետո «Գրադ» կայանքից հրետակոծվել է Մարտունու շրջանի Բերդաշեն գյուղը: Վիրավորվել են 6 հոգի: Կան ավերածություններ:

  • facebook
  • googleplus
  • twitter
  • linkedin
  • linkedin
Previous «
Next »

Categories

Archives