«Երկիր», 1992թ., 24 դեկտեմբերի, 249 (338)
Աբխազիայի Գերագույն խորհրդի նախագահությունը բոլոր զինապարտներին կոչ է արել վերադառնալ զորամասեր եւ մարտական պատրաստություն պահպանել։ Դեկտեմբերի 23-ին Գուդաուտայում հրապարակած հայտարարության մեջ Աբխազիայի խորհրդարանի ղեկավարությունը դա պատճառաբանել է «վրացական կողմից լայնամասշտաբ մարտական գործողությունների իրական սպառնալիքով»։ «Մենք պարտավոր ենք համախմբվել եւ բոլոր ուժերը ներդնել, որպեսզի չընկրկենք եւ հաղթենք այս անհավասար պատերազմում՝ հանուն մեր Հայրենիքի, աբխազական պետականության եւ մեր երեխաների ապագայի», – ասված է հայտարարության մեջ։
