October 23, 2020
  • Homepage
  • >
  • Media
  • >
  • Armenian media
  • >
  • Նախագահի խորհրդականը սխալ է համարում Րաֆֆի Հովհաննիսյանի քննադատությունը

Նախագահի խորհրդականը սխալ է համարում Րաֆֆի Հովհաննիսյանի քննադատությունը

  • by Archives.am
  • 28 Years ago
  • Comments Off

«Երկիր», 22 հոկտեմբերի, 1992թ., թիվ 191 (280)

«ԱՄՆ-ի նախագահ Բուշի հասցեին ուղղված Հայաստանի արտգործնախարար Րաֆֆի Հովհաննիսյանի քննադատությունները ես համարում եմ սխալ»,- Ա.Մ.-ի թղթակցին հայտնեց նախագահ Լևոն Տեր-Պետրոսյանի խորհրդական Վահան Փափազյանը: Նա ընդգծեց, որ Րաֆֆի Հովհաննիսյանի այդ տեսակները որևէ առնչություն չունեն Հայաստանի պաշտոնական քաղաքականության հետ:

Ր. Հովհաննիսյանը սեպտեմբերի 29-ին «Ռոյթրի» թղթակցի հետ հարցազրույցի ժամանակ քննադատել էր ԱՄՆ-ի նախագահ Բուշի վարչամեքենայի քաղաքականությունը Լեռնային Ղարաբաղի հարցում: Նա նշել էր, որ Միացյալ Նահանգները հատուկ սկզբունքներ էր ճշտել նախկին Խորհրդային միության հանրապետությունների հետ իր հարաբերությունները, ինչպես ժողովրդավարության զորակցում, սահմանների հարգում և վեճերի խաղաղ լուծում: Ադրբեջանի պարագայում Ամերիկան անտեսել է այդ սկզբունքները: «Իմ բնութագրումով՝ Բուշի վարչամեքենայի քաղաքականությունը, միայն արհեստականորեն է չեզոք»,- հայտնել էր Րաֆֆի Հովհաննիսյանը:

Իսկ նախագահի մամլո ծառայության փոխպատասխանատու Ա. Աբրահամյանը անդրադառնալով Րաֆֆի Հովհաննիսյանի Միացյալ նահանգներում ունեցած ելույթին, Ա.Մ.-ի թղթակցին հայտնեց, որ «արտգործնախարարի արտահայտությունները ընդհանրապես արվում են իր և իր գերատեսչության անունից»: Նա նկատել տվեց, որ «կարող են լինել դեպքեր, երբ արտաքին քաղաքականության այս կամ այն խնդրի շուրջ արտգործնախարարը, իր տեսակետն ունի, իսկ նախագահ Լևոն Տեր-Պետրոսյանը՝ իր»:

  • facebook
  • googleplus
  • twitter
  • linkedin
  • linkedin
Previous «
Next »

Categories

Archives