«Հայաստանի Հանրապետություն», 15 հունվարի, 1992թ., թիվ 8 (353)
Հունվարի 14-ին տեղի ունեցավ Հայաստանի Հանրապետությունում ազատ գների և սակագների անցնելու կապակցությամբ ՀՀ նախագահին առընթեր օպերատիվ շտաբի նիստ, որը վարում էր հանրապետության փոխնախագահ, վարչապետ Գագիկ Հարությունյանը:
Քննարկվեցին շուկայական գների պայմաններում առաջարկի և պահանջարկի փոխհարաբերության մեխանիզմի կարգավորման հարցեր: Նշվեց, որ գների արհեստական աճը կասեցնելու, բնական ձևավորումը խթանելու, ինչպես նաև գնագոյացման գործընթացին կամայական միջամտությունները բացառելու նպատակով հարկ է մշակել հակամոնոպոլիստական միջոցառումների համակարգ:
Բնակչության սոցիալական պաշտպանվածությունը ապահովելու նպատակով որոշվեց սննդամթերքի մի քանի տեսակներ բաշխել կտրոններով:
Անդրադառնալով շահույթների հարկման առկա օրենքների թերություններին ու անբավարարությանը, հանձնարարվեց մշակել համապատասխան օրենսդրական փոփոխությունների առաջարկներ, ինչպես նաև գտնել հրամանագրերով դրանք կարգավորելու լուծումներ:
Քննարկվեց նաև հանրապետության նախագահի հրամանագրերի և կառավարության որոշումների կատարման ընթացքը և տրվեցին համապատասխան հանձնարարականներ:
ՀՀ կառավարության լրատվական կենտրոն
