Հայաստանի Հանրապետություն, 13 հոկտեմբերի, 1992 թ., թիվ 202 (547)
Լաչինի մարդասիրական միջանցքի պաշտպանության հարվածային ճակատում հոկտեմբերի լույս 12-ի ամբողջ գիշերը դիրքային փոխհրաձգություններ են ընթացել Արցախի ինքնապաշտպանական ուժերի և ադրբեջանական կազմավորումների միջև: Հյուսիսում կրակը դադարել է ժամը 1-ին: Այդ մասին հայտնեցին ՀՀ պաշտպանության նախարարության լրատվական ծառայությունից: Լարված մարտ է ծավալվել Հոչազ լեռան շրջանում, որի ընթացքում երկուստեք կորուստներ են եղել: Հայկական կողմից զոհվել է 2, վիրավորվել 8 ազատամարտիկ: Երեկ փոխհրաձգությունը շարունակվում էր:
