March 8, 2021

Զոհվեցին Շահումյանի երկնքում

  • by Archives.am
  • 28 Years ago
  • Comments Off

«Երկիր», 22 հոկտեմբերի ի, 1992թ., թիվ 191 (280)

Հպարտ Շահումյանը գերության մեջ է: Բայց Շահումյանի հողը վառվում է թշնամու ոտքի տակ: Շահումյանցին երբեք չի հաշտվի հայրենիքի կորստի հետ: Մարտադաշտ է ողջ Շահումյանը: Հողը: Երկինքը:

Սեպտեմբերի 29-ին Շահումյանի երկնքում աղետի ենթարկվեց պարտիզանական ուղղաթիռը: Դեսանտը չկարողացավ հասնել նպատակին: Թանձր մառախուղը ողբերգության պատճառ դարձավ:

Զոհվեցին օդաչուներ Հայկ Կիրակոսյանը, Էդվարդ Խաչիկյանը, Գառնիկ Դաբիելյանը: Բազմիցս ակոսել էին նրանք Արցախի երկինքը, զենք, զինամթերք, սնունդ հասցրել պարտիզաններին…

Հավերժ փառք նրանց: Զոհվեց Ստեփանակերտի օդանավակայանի պետ Մաքսիմ Բաղամյանը: Օդանավակայանի պետ էր, բայց գնում էր պարտիզանների հետ կռվելու: Որպես ռադիստ: Կռիվն ամենուր է:

Հավերժ փառք նրան:

Հայրենիքի հողին ոտք չդրած՝ զոհվեցին շահումյանցի պարտիզաններ Ժորա Սարգսյանը, Մայիս Առուստամյանը, Ֆուրման Գյորգյանը, Ռուսլան Հովհաննիսյանը:

Թերի մնաց նրանց կռիվը: Անավարտ մնաց սուրբ նպատակը: Հավերժ փառք նրանց: ԵՎ հավերժ փառք նրանց, ովքեր կիրագործեն սուրբ նպատակը, կռիվը կհասցնեն հաղթական վախճանին. Շահումյանը ազատագրվելու է, շահումյանի հողը վառվելու է թշնամու ոտքի տակ:

  • facebook
  • googleplus
  • twitter
  • linkedin
  • linkedin
Previous «
Next »

Categories

Archives