October 31, 2020

Օդում և ցամաքում

  • by Archives.am
  • 28 Years ago
  • Comments Off

Հայաստանի Հանրապետություն, 13 հոկտեմբերի, 1992 թ., թիվ 202 (547)

Ռուսաստանյան պաշտպանության նախարարության զինվորական դիտորդների առկայությունն իսկ ետ չի պահում ադրբեջանական կազմավորումներին, որոնք շարունակում են մարտական գործողություններ օդում և ցամաքում:

Հոկտեմբերի 10-ին Ստեփանակերտի երկնակամարում հայտնվեցին ադրբեջանական ռազմական երեք ինքնաթիռները՝ ավիառումբերի լրիվ հավաքանիով: Սակայն այս անգամ հաջողացնելով քաղաքի մատույցների վրա նետել միայն երկու ավիառումբ, ռմբակիրներից մեկը խփվեց հայ ինքնապաշտպանների պատասխան կրակից և ընկավ Ստեփանակերտից 5 կիլոմետր հեռու: Բնակելի թաղամասերը ռմբակոծելու եկած օդաչուն ինքը զոհվեց ինքնաթիռի պայթյունի հետևանքով:

Ինչպես հաղորդում է նորությունների Ղարաբաղի գործակալությունը, Ստեփանակերտում գտնվող զինվորական դիտորդները արձանագրել են ռմբակոծության պահը և ինքնաթիռներից մեկի անկումը: Զարմանալի է, որ Ադրբեջանական կողմում             գտնվող ռուսաստանյան դիտորդները չեն նկատել ռազմական օդակայաններից ինքնաթիռների թռիչքը:

ԼՂՀ-ի պաշտպանության պետական կոմիտեն նրանց հնարավորություն է տվել լինել Ստեփանակերտում, անձամբ տեսնելու ադրբեջանական ինքնաթիռների բեկորները և ծանոթանալու զինվորական դիտորդների արձանագրություններին:

Չբավարարվելով մեկ ռմբարկուի կորուստով, հոկտեմբերի 11-ի առավոտյան ադրբեջանական «ՍՈւ—25» ինքնաթիռները նորից հայտնվեցին ԼՂՀ-ի տարածքում և ռումբեր նետեցին Մարտակերտի Առաջաձոր, Ասկերանի Շոշ բնակավայրերի գոտու և Հադրութի շրջանի Տող ու Մեծ Թաղլար գյուղերի միջև եղած տարածքի վրա: Տուժածներ չկան: Հավանաբար, վախենալով իրենց գործընկերոջ նախորդ օրը պատահածից, օդաչուները ավելի բարձր են թռել և խառնել հաշիվները:

Հակառակորդն օդային հարձակումներին զուգահեռ գործի է դնում նաև ցամաքային հեռահար զենքեր: Աղդամի և Ֆիզուլինի շրջանի Էդիլու գյուղը:

Թեև  Քելբաջարի և Ղուբաթլիի կողմից անընդմեջ գործում են հեռահար հրետանին և «Գրադ» կայանքները, այնուամենայնիվ, Լաչինի մարդասիրական միջանցքը վստահորեն վերահսկվում է հայ ինքնապաշտպանների կողմից: Ավելին, վերջին օրերի մարտական գործողությունների ընթացքում ադրբեջանական ուժերը մայրուղու թե՛ հյուսիսային և թե՛ հարավային հատվածներում զգալիորեն նահանջել են իրենց նախկին դիրքերից:

  • facebook
  • googleplus
  • twitter
  • linkedin
  • linkedin
Previous «
Next »

Categories

Archives