December 2, 2021

Վրաստանի պատվիրակությունը Հայաստանում

  • by Archives.am
  • 30 Years ago
  • Comments Off

«Հայաստանի Հանրապետություն», 15 հունվարի, 1992թ., թիվ 8 (353)

Հունվարի 13-ին Հայաստան էր ժամանել Վրաստանի Հանրապետության պատվիրակությունը` նախկինում ԽՍՀՄ ժողովրդական պատգամավոր, Վրաստանի Գերագույն խորհրդի պատգամավոր Էլդար Շենգելայայի գլխավորությամբ:

Պատվիրակությունը, որի կազմում ընդգրկված էին մտավորականության ներկայացուցիչներ Չաբուա Ամիրաջիբին, Գրիգոլ Լորդկիպանիձեն, Գեորգի Խանդրավան, Վախթանգ Կիկաբիձեն և Ռևազ Ղիփիանին, Երևանում ընդունեցին Հայաստանի Հանրապետության նախագահ Լևոն Տեր-Պետրոսյանը և խորհրդարանի նախագահ Բաբկեն Արարքցյանը:

Հանդիպումների ընթացքում հյուրերը ներկայացրին Վրաստանի ներքին քաղաքական իրավիճակը, շարադրեցին իրենց տեսակետները հանրապետության առջև ծառացած քաղաքական, տնտեսական ու սոցիալական հիմնահարցերի կարգավորման ուղիների վերաբերյալ:

Իրենց հերթին Լևոն Տեր-Պետրոսյանը և Բաբկեն Արարքցյանը Վրաստանի պատվիրակությանը ծանոթացրեցին Զվիադ Գամսախուրդիայի` ժամանակավորապես Հայաստանի տարածքում գտնվելու առնչությամբ հանրապետության իշխանությունների պաշտոնական դիրքորոշմանը:

Մասնավորապես ընդգծելով մարդու իրավունքների միջազգային ընդունված չափանիշներով առաջնորդվելու անհրաժեշտությունը և հարևան հանրապետությունում քաղաքական իրադրության շուտափույթ կայունացման ու խաղաղության վերահաստատման հարցում իրենց շահագրգռությունը, Հայաստանի ղեկավարները հույս հայտնեցին, որ իշխանությունների մարդասիրական ջանքերն ըստ արժանվույն կգնահատվեն վրաց ժողովրդի և համաշխարհային հանրության կողմից, կնպաստեն երկու ժողովուրդների միջև ավանդական, բարեկամական կապերի ամրապնդմանը:

Գերագույն խորհրդի մամուլի կենտրոն

  • facebook
  • googleplus
  • twitter
  • linkedin
  • linkedin
Previous «
Next »

Categories

Archives