September 19, 2021

Դրությունը Տրապիզոնում

  • by Archives.am
  • 104 Years ago
  • 0

Մշակ, 18 նոյեմբերի, 1917թ., թիվ 247

Տրապիզոն, 8 նոյեմբերի

Անիշխանությունը երկրում իսկապես որ ահռելի չափեր է ստացել. չեմ իմանում ի՞նչ է կատարվում Ռուսաստանի խորքերում, բայց որ այստեղ Տրապիզոնում տիրում է անսանձ գողություն և ալան-թալան, դրա ապացույց այստեղի առօրյա կյանքը: Զինվորներն այն աստիճան զուրկ են դիսցիպլինայից, որ անում են ով ինչ ցանկանում է:

Նորերս գրավեցին տեղիս հայոց եկեղեցու շենքը և չնայած կոմիտեի բողոքներին, նստած են մեր շենքում և հափշտակում են ամեն մի իր, որը ընկնում է իրանց ձեռքը. եկեղեցու կից սենյակներում դարսված են հայկական իրեր. ահա այդ բանն է հետաքրքրում զինվորներին, որոնք ամեն օր գողություն են անում և այդ սենյակներից քաշում տանում են զանազան առարկաներ:

Բացի դրանից՝ թանկությունը այստեղ սարսափելի չափերի է հասել. հույները օրըստօրե բարձրացնում են գները, իսկ տեղական գործադիր կոմիտեն ոչինչ չէ ձեռնարկում նրանց ախորժակը զսպելու համար:

Տրապիզոնում այժմ փող են շահում միայն հույները և ռուս զինվորները, որոնք նույնպես առևտրով են զբաղված:

Չափազանց անտանելի է այստեղի կյանքը իր տաղտկությամբ և կոպիտ՝ ոչ մի բանով գոնե չքողարկված այլանդակությամբ:

Արշակ Առաքելյան

  • facebook
  • googleplus
  • twitter
  • linkedin
  • linkedin
Previous «
Next »

Leave a Reply

Your email address will not be published. Required fields are marked *

Categories

Archives